ABŞ prezidentliyinə namizəd Donald Tramp Ədliyyə Departamentinin ölüm cəzasına qoyduğu moratoriumun ləğvini və iri narkotik alverçilərinə və polis qatillərinə qarşı "qanunun bütün gücündən istifadə edəcəyini" vəd edib. Bu barədə o, Daily Mail-ə məlumat verib.
2021-ci ilin iyulunda ABŞ Ədliyyə Nazirliyi federal səviyyədə ölüm cəzasına müvəqqəti qadağa qoyub. Nazirlik bunu iynə vurmaqla həyata keçirilən edamların humanistliyinin qiymətləndirilməsinin zəruriliyi ilə izah edib.

2003-cü ildən 2020-ci ilə qədər ABŞ-da heç bir federal edam olmayıb. Eyni zamanda, ayrı-ayrı dövlətlərin hakimiyyət orqanları müstəqil olaraq ölüm cəzası təyin edə və həyata keçirə bilərdilər. Tramp seçkilərdə qalib gələcəyi təqdirdə Ağ Evdəki ilk günündə edamlara federal moratoriumun ləğv ediləcəyini bildirib.“Əlbəttə ki, edərdim. Böyük narkotik satıcılarını və bəlkə də uşağa təcavüz edən və ya bir polis məmurunu öldürən insanları edam edərdim. İnsanları vəhşicəsinə öldürənləri edam edərdim”, - Tramp vurğulayıb.
O əlavə edib ki, orta hesabla bir narkotik alverçisi “həyatı boyu 500 insanı öldürür”. Trampın sözlərinə görə, ABŞ-da narkotik epidemiyasını dayandırmaq üçün ölüm cəzasını tətbiq etmək lazımdır.

aia.az
Tərcümə şöbəsi

• Narkotik
• Münaqişə
• Söz
• Tramp
• Tacir
• Edam
• Tacirlər
• Narkotik Tacirləri
• Söz Verib