Mərkəzi Seçki Komissiyasının (MSK) bu gün Milli Məclisə növbədənkənar seçkilərin nəticələrini yoxlayaraq yekun vurub.
"Unikal"ın xəbərinə görə, Seçki Məcəlləsinə əsasən, MSK protokollar yoxlanıldıqdan sonra 24 saat müddətində seçkilərin yekunlarının və nəticələrinin təsdiq olunması üçün müvafiq sənədləri Konstitusiya Məhkəməsinə təqdim etməlidir. Konstitusiya Məhkəməsi müvafiq sənədləri aldıqdan sonra 10 gün müddətində (yoxlama prosesi tələb etdikdə, həmin müddət artırıla bilər) Milli Məclisinə seçkilərin yekunlarının və nəticələrinin yoxlanılaraq təsdiq edilməsi prosesini başa çatdırmalıdır.
MSK parlament seçkilərinin nəticələrinin təsdiqi üçün müvafiq sənədlərin Konstitusiya Məhkəməsinə təqdim edilməsi barədə qərar qəbul edib.
