COP29-la əlaqədar Bakı metrosunun iş rejiminə dəyişiklik ediləcək.
Tribunainfo.az bildirir ki, stansiyalar və sahələr üzrə təhkim olunmuş əlavə işçi qüvvəsi ayrılacaq. Əsas məqsəd ehtiyac yaranacağı təqdirdə, sərnişin axını istiqamətlərini tənzimləmək və digər zəruri tədbirləri görməkdir.
“11, 12, 13 noyabr tarixlərində Bakı Metropoliteninin stansiyaları səhər saat 5-də işə başlayacaq”. Bu fikirləri “Bakı Metropoliteni” QSC-nin sədr müavini Hidayət Məmmədov jurnalistlərə açıqlamasında bildirib.
O həmçinin COP29 zamanı qatarlar arasında intervalın 2 dəqiqə olacağını diqqətə çatdırıb.
