Türkiyə Prezidenti Rəcəb Tayyib Ərdoğan ABŞ-da keçirilən prezident seçkilərində qalib gələn Donald Trampla telefon danışığı aparıb.
Senzor.az bildirir ki, Türkiyə liderinin ofisinin yaydığı açıqlamada belə deyilir.
“Prezident Rəcəb Tayyib Ərdoğan ABŞ-ın yeni seçilmiş Prezidenti Donald Trampla telefon danışığı aparıb. Söhbət zamanı Prezident Ərdoğan Trampı seçkilərdəki qələbəsi münasibətilə bir daha təbrik edib. O, Türkiyə ilə ABŞ arasında gələcəkdə əməkdaşlığın inkişaf etdirilməsi kontekstində arzularını ifadə edib”, - deyə açıqlamada vurğulanıb.
**12:54 (06.11.2024)
Dünya liderləri və siyasətçiləri ABŞ-da keçirilən prezident seçkilərində qələbəsini elan edən respublikaçı Donald Trampa təbrik mesajları yazırlar.
Senzor.az Türkiyə mətbuatına istinadən bildirir ki, Prezident Rəcəb Tayyib Ərdoğan da Donald Trampı ABŞ prezident seçkilərində qazandığı qələbə münasibətilə təbrik edib.
Türkiyə lideri Ankara ilə Vaşinqton arasında münasibətlərin möhkəmlənməsinə, həmçinin Trampın Ukrayna və Qəzzada müharibəyə son qoymaq səylərinə kömək edəcəyinə ümid etdiyini bildirib.
Senzor.az
