Kollektiv Təhlükəsizlik Müqaviləsi Təşkilatının (KTMT) baş katibi İmanqali Tasmaqambetov təşkilatın Minskdə keçirilən sammitindən sonra İrəvana səfər edəcək.
“Report” xəbər verir ki, məlumatı Rusiya KİV-i yayıb.
Bildirilib ki, o, KTMT-nin sammitində qəbul olunmuş qərarları imzalamaq üçün Ermənistana təqdim edəcək.
Xatırladaq ki, noyabrın 23-də Minskdə KTMT-nin zirvə toplantısı keçirilir. Ermənistanın baş naziri Nikol Paşinyan, parlament sədri Alen Simonyan, müdafiə naziri Suren Papikyan toplantıya qatılmayıb.
