UEFA Avropa Liqasının V turunun “Qarabağ” - “Lion” (Fransa) oyununun biletləri sabah satışa çıxarılacaq.
Senzor.az Ağdam klubunun mətbuat xidmətinə istinadən bildirir ki, azarkeşlər saat 12:00-dan etibarən biletləri əldə edə biləcəklər.
Biletlərinin qiyməti 5, 20, 30, 40, 75 və 150 manatdır. VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 300 manatdır.
Qeyd edək ki, matç noyabrın 28-də Tofiq Bəhramov adına Respublika stadionunda keçiriləcək və saat 21:45-də başlayacaq.
