Azərbaycanın 17 yaşadək futbolçulardan ibarət millisi (U-17) Avropa çempionatının seçmə mərhələsində bu gün növbəti sınağına çıxır.
Arena.az xəbər verir ki, 6-cı qrupda yer alan yığmamız qrupdakı sonuncu – üçüncü oyununda Rumıniya ilə üz-üzə gələcək.
Rumıniyanın Milli Futbol Mərkəzinin stadionunda təşkil olunacaq qarşılaşmanı San Marinodab olan baş hakim idarə edəcək. Matç Bakı vaxtı ilə saat 14:00-da başlayacaq.
Xatırladaq ki, İlham Yadullayevin rəhbərlik etdiyi U-17 millimiz AÇ-2025-in seçmə mərhələsi çərçivəsində ilk oyununu Macarıstana qarşı keçirib və 0:4 hesabıyla uduzub. Komandamızın Yunanıstanla görüşü də 0:3 hesablı məğlubiyyətlə yekunlaşıb.
Rumınlar da bu seçmə mərhələdə uğursuz çıxış edirlər. Bugünkü rəqibimiz ilk turda Yunanıstana 0:3 hesabıyla uduzub, Macarıstanla qolsuz heç-heçəyə razılaşıb.
AÇ-2025-in seçmə mərhələsi
6-cı qrup
16 noyabr
Azərbaycan – Rumıniya
Baş hakim: Mişel Beltrano (San Marino).
Baş hakimin köməkçiləri: Can Marko Erkolani (San Marino), Vadim Vikol (Moldova)
Dördüncü hakim: İon Orliç (Moldova).
Rumıniya Milli Futbol Mərkəzinin stadionu. Saat 14:00.
