Fransa prezidenti Emmanuel Makron Rusiyanı Ukrayna ətrafında gərginliyi azaltmağa çağırıb.
Vətəninfo.az xəbər verir ki, Makron bu barədə Rio-de-Janeyroda keçirilən G20 sammitində çıxışı zamanı bildirib.
Fransa liderinin bəyanatları Rusiyanın ölkənin yenilənmiş nüvə doktrinasını təsdiqləməsindən bir gün sonraya təsadüf edib.
“Mən Putini sağlam düşüncə nümayiş etdirməyə və BMT Nizamnaməsindəki öhdəliklərinə hörmət etməyə və kollektiv deeskalasiyada iştirak etməyə çağırıram”, – Makron bildirib. Onun çıxışı Yelisey sarayının rəsmi saytında yayımlanıb.
