"Rusiya ərazisinə ATACMS və "Fırtına Kölgəsi" raket hücumlarından sonra Ukraynadakı regional münaqişə qlobal xarakterli elementlər qazanıb".
Bakıvaxtı.az "RİA Novosti"yə istinadən xəbər verir ki, bunu Rusiya prezidenti Vladimir Putin deyib.
Onun sözlərinə görə,Amerika və Böyük Britaniyanın uzaqmənzilli raketlərinin hücumlarına cavab olaraq Rusiya silahlı qüvvələri noyabrın 21-də Ukraynanın hərbi sənaye kompleksinin obyektlərindən birinə birgə zərbə endirib:
"Rusiya tərəfi bunu dəfələrlə vurğulayıb ki, bu cür silahları istehsal edən ölkələrin hərbi mütəxəssislərinin birbaşa iştirakı olmadan həmin silahlardan istifadə etmək mümkün deyil. Noyabrın 19-da ABŞ istehsalı olan 6 ATACMS operativ-taktiki raketi və noyabrın 21-də Böyük Britaniya istehsalı olan "Storm Shadow" və ABŞ istehsalı olan "HIMARS" sistemlərinin birləşmiş raket hücumu zamanı Rusiyanın ərazisindəki hərbi hədəflərə zərbələr endirilib. Artıq Ukraynada Qərbin təhrik etdiyi regional münaqişə qlobal xarakterli elementlər qazanıb".
Gülşən Şərif
