ABŞ senatoru Erik Şmitt Donald Trampın ABŞ kəşfiyyatının rəhbəri vəzifəsinə namizədi Tulsi Qabbardın "Rusiya agenti" olması ilə bağlı ittihamlarını rədd edərək, iddiaları siyasi motivli adlandırıb...
Poliqon xəbər verir ki, bunu senator Smitt NBC News telekanalına bildirib.
"Düşünürəm ki, bu, həqiqətən maraqlıdır, müxtəlif siyasi baxışları olan hər kəs indi Rusiya agenti kimi görünür. Bu tamamilə gülüncdür", deyə senator bildirib.
O xatırladıb ki, Tulsi Qabbard ABŞ ordusunda xidmət edib və seçilmiş prezident Donald Tramp tərəfindən qurulan "unikal koalisiya"nın bir hissəsi olub. O, Qabbardın "Rusiya agenti" kimi hücuma məruz qalmasını gülünc adlandırıb.
Bundan əvvəl ABŞ-ın yeni seçilmiş prezidenti Donald Trampın keçmiş müşaviri Con Bolton demişdi ki, Tulsi Qabbardın ABŞ kəşfiyyatının rəhbəri təyin edilməsi ölkənin düşmənlərinə, o cümlədən Rusiya və Çinə "böyük rahatlıq" gətirəcək.
2022-ci ildə Ukrayna Milli Təhlükəsizlik və Müdafiə Şurası Tulsi Qabbardı Kremlə işləməkdə ittiham edib. Departament bildirib ki, Qabbard Vladimir Putinə bağlıdır və pulla "Kreml üçün" işləyir.
Tulsi Qabbardın 2001-ci il sentyabrın 11-də ABŞ-da törədilmiş terror aktlarından sonra Amerika silahlı qüvvələrinə qoşulduğu məlumdur. Xidməti zamanı o, silahlı münaqişə yerlərində olub. 2022-ci ilə qədər ABŞ Demokratlar Partiyasının üzvü olub, lakin partiyanı tərk edərək müstəqil siyasətə başlayıb.
Poliqon.info
