Son aylarda Fransada həbs edilən və daha sonra sərbəst buraxılan "Telegram" CEO-su Pavel Durov yeni bir altkoin layihəsi haqqında məlumat paylaşıb.
Valyuta.Az xəbər verir ki, Pavel Durov öz "Telegram" kanalında "Major" mini tətbiqini tərifləyərək, "MAJOR" tokeninə uzunmüddətli sadiqliyini dilə gətirib.
Durov, "Major" mini tətbiqinin "Telegram" ilə problemsiz inteqrasiyası və güclü istifadəçi cəlb etmə bacarığı ilə seçildiyini qeyd edib. O, layihənin təsirli böyüməsinə diqqət çəkib və onun uğurlarını vurğulayıb.
Durovun paylaşdığı məlumatlara görə, "Major" platformu cəmi beş ay ərzində 10 milyon dollar gəlir əldə edib və 70 milyon istifadəçiyə çatıb.
"Telegram" CEO-su, "Major" layihəsinin yaradıcısı 27 yaşlı Roxmanın ümumi token təklifinin 1%-ni ona bağışladığını açıqlayıb. Durov layihəyə olan inamını ifadə edərək, "MAJOR" tokenlərini qarşıdakı 10 il ərzində satmayacağını bildirib.
Qeyd edək ki, "Major" layihəsi, eyni adlı "MAJOR" tokenlərini "The Open Network" (TON) üzərindən bir "airdrop" ilə başlatmağı planlaşdırır. Token altı böyük birjada, o cümlədən "OKX"də siyahıya alınacaq.
Rəhim
