2023-cü ilin oktyabrında Fələstin-İsrail münaqişəsinin kəskinləşməsindən bəri Qəzza zolağında gedən döyüşlərdə ən azı 191 jurnalist həlak olub.
hakimiyyet.az xəbər verir ki, bu barədə Livanın "Al Mayadeen" telekanalı Fələstin anklavının hökumətinə istinadən məlumat yayıb.
Xatırladaq ki, ötən il oktyabrın 7-də Fələstinin HƏMAS radikal hərəkatı yaraqlılarının Qəzza zolağından İsrail ərazisinə müdaxiləsi, sərhədyanı qəsəbələrin sakinlərini öldürülməsi və girov götürülməsindən sonra Yaxın Şərqdə vəziyyət kəskin şəkildə pisləşib. Buna cavab olaraq İsrail HƏMAS-ın hərbi və siyasi strukturunu məhv etmək və girovları azad etmək məqsədilə Qəzzada hərbi əməliyyata başlayıb.
