Əlahiddə Ümumqoşun Ordusu (Naxçıvan Muxtar Respublikasında yerləşir) komanda-qərargah təlimləri keçirib.
Müdafiə Nazirliyinin məlumatında deyilir ki, təlimə cəlb olunan bölmələrin manevr imkanları, komandirlərin və qərargahların əməliyyat şəraitində idarəetmə bacarıqları yoxlanılıb.
Real döyüş şəraitinə uyğun keçirilən təlimdə raket və artilleriya bölmələri şərti düşmənin planlı və plandankənar hədəflərini atəşlə məhv ediblər.
Komanda-qərargah təlimində qarşıya qoyulmuş tapşırıqlar tam həcmdə yerinə yetirilib, məlumatda deyilir.
