İngiltərə Premyer Liqasının 15-ci turunda "Çelsi" səfərdə "Tottenhem"lə qarşılaşıb. London derbisində "Çelsi" 0:2 hesabı ilə geridə olduğu oyunda 4:3 hesabı ilə qalib gəlib. Bununla da komanda 31 xalla 2-ci pilləyə yüksəlib.
QOL.az xəbər verir ki, matçın ilk 11 dəqiqəsində "Çelsi"nin müdafiəçisi Mark Kukurelya ayağının sürüşməsi səbəbindən 2 dəfə topu itirib. Hər iki top itkisindən sonra isə meydan sahibləri qol vurublar.
Buna futbolçunun butslarındakı problem səbəb olub.
26 yaşlı oyunçu ikinci qoldan sonra butslarını dəyişmək məcburiyyətində qalıb.
O, matçdan sonra həmin butsları zibil qabına tullayıb. İspan futbolçu sosial media hesabında geyindiyi bununla bağlı şəkil paylaşıb və azarkeşlərdən üzr istəyib.
