Bakı Şəhəri üzrə Təhsil İdarəsi (BŞTİ) tərəfindən “İbtidai təhsil səviyyəsi üzrə inklüziv təhsilin tətbiqi” layihəsi həyata keçirilən ümumi təhsil müəssisələrində korreksiyaedici pedaqoq vəzifəsinə işə qəbul üzrə vakansiya elan olunur.
BŞTİ-dən AzEdu.az-a bildirilib ki, korreksiyaedici pedaqoq vəzifəsinə işə qəbul müsabiqəsində (sentyabrın 11-24-dək keçirilmiş) uğur qazanmış, müsahibə balı 2 və daha çox olan namizədlər yeni vakant yerlər üçün ehtiyat kadr siyahısına daxil ediləcək.
Müvafiq bal toplayan namizədlərin ehtiyat kadr siyahısına daxil edilməsi barədə məlumat onların əlaqə telefonlarına SMS vasitəsilə göndəriləcək.
