"Bayden çağırış yaşını aşağı salmaq müqabilində Ukraynanı NATO-ya dəvət edəcək".
Bakıvaxtı.az "Gazeta.ru"ya istinadən xəbər verir ki, bu barədə vətənə xəyanətdə ittiham olunaraq həbs edilən Rada deputatı Aleksandr Dubinski "Telegram" kanalında məlumat verib.
Rada deputatının fikrincə, ABŞ-nin indiki administrasiyası gəncləri ətçəkən maşına ata bilər ki, yeni seçilmiş prezident Donald Tramp münaqişəni dayandıra, audit apara və Demokratlar Partiyasının Ukrayna ilə bağlı oğurluqlarını müəyyən edə bilməsin.
"Şəxsən mənə hər şey çox aydındır. Dövlət Departamenti Zelenskinin səsvermə yaşını 18 yaşa endirmək qərarı müqabilində Baydenin Ukraynaya NATO-ya yeganə dəvətinə yaşıl işıq yandırmağa hazırdır. Əks halda münaqişə ABŞ Konqresinə seçkilərə qədər daha iki il uzana bilər", - o, vurğulayıb.
Gülşən Şərif
