14:12 10.12.2024
14:12 10.12.2024
İsrail tankları bufer zonasından kənara çıxıb və Suriyanın cənubundakı Katana qəsəbəsi yaxınlığında yerləşdirilib. Qəsəbə Dəməşqdən 21 km aralıda yerləşir. Mynews.az xəbər verir ki, bunu Livanın “Al Mayadeen” telekanalı yazır.
Məlumata görə, İsrail əsgərləri Dəməşqin kənarındakı bir neçə kəndə daxil olub. İsrail ordusu bundan əvvəl quru əməliyyatlarını bufer zonasından kənarda deyil, yalnız onun daxilində keçirməyi planlaşdırdığını bildirib.
İsrail qırıcıları Suriyada hakimiyyət dəyişikliyindən sonra 250-dən çox hərbi obyektə zərbələr endirib. İsrail ordusunun "Galei IDF" radiosunun mənbəsi baş verənləri İsrail Hərbi Hava Qüvvələrinin tarixindəki ən böyük hücum əməliyyatlarından biri adlandırıb.
