Almaniyanın "Bayern" klubunun futbolçusu Tomas Müller UEFA Çempionlar Liqasında Kristiano Ronaldo və Rayan Giqqzin nailiyyətini təkrarlayıb.
Rekord.az xəbər verir ki, 35 yaşlı oyunçu buna Ukraynanın "Şaxtyor" komandasına qalib gəldikləri (5:1) Liqa mərhələsinin 6-cı turunun matçında fərqlənməklə nail olub.
Müller, Ronaldo və Giqqz ardıcıl olaraq ÇL-də ən azı bir qol vurmaqla 16 mövsüm keçiriblər. Yalnız Lionel Messi və Kərim Benzema 18 mövsümdə fərqləniblər.
Müller cari mövsüm bütün yarışlarda 20 qarşılaşmada iştirak edib, 4 qol və 3 məhsuldar ötürmə ilə yadda qalıb.
