Bu gün Azərbaycan Basketbol Liqasında 6-cı tura start veriləcək.
Rekord.az xəbər verir ki, A qrupunda iki qarşılaşma keçiriləcək.
İlk olaraq "Naxçıvan" "Neftçi" ilə üz-üzə gələcək. Oyun saat 15:30-da start götürəcək. Bölgə təmsilçisi 9 xalla ikinci, "ağ-qaralar" 5 xalla sonuncu - altıncı pillədə qərarlaşıb.
Günün ikinci görüşündə "Sərhədçi" və "Sabah" kollektivləri münasibətlərə aydınlıq gətirəcəklər. Paytaxt klublarının dueli saat 18:30-da başlayacaq. "Sərhədçi" 8 xalla üçüncü, "bayquşlar" 10 xalla birincidir.
Qeyd edək ki, turun digər oyunları 11, 13 və 14 dekabrda gerçəkləşəcək.
