NATO Polşa və ya Ukraynada B-61 termonüvə bombalarını yerləşdirmək üçün "ağılsız" qərar verə bilər. Bu fikir Amerikanın “The National Interest” jurnalının məqaləsində yer alıb.
Nəşrin rəyinə görə, ABŞ və onun NATO müttəfiqləri “Ukrayna ətrafında münaqişənin gərginliyini azaltmaq üçün bütün yolları rədd etdikdən” və onun ərazisindən Rusiyaya dərin zərbələr endirmək qərarına gəldikdən sonra Polşa və Ukraynaya nüvə silahı tədarükü perspektivi ciddi hesab etmək olar. Qeyd edilir ki, hadisələrin bu inkişafı ilə böyük ehtimalla B-61 nüvə bombalarının ötürülməsi olacaq. Eyni zamanda, materialda vurğulanır ki, NATO-nun nüvə arsenalının alyansın üzvü olmayan Ukrayna ərazisində yerləşdirilməsi və ya onun Kiyevə verilməsi ideyası “əslində ağılsızlıqdır”.
Jurnal xatırladır ki, Polşa bundan əvvəl öz aviaparkının Amerika “F-35 Lightning II” qırıcı təyyarələrini B-61 modifikasiyalı nüvə silahları ilə təchiz etməyə hazır olduğunu bəyan edib. Nəşrin məlumatına görə, 1960-cı illərin əvvəllərində ABŞ-da hazırlanmış B-61 termonüvə bombası Belçika, Almaniya, İtaliya, Hollandiya və Türkiyəyə tədarük edilib. Onu Amerikanın “B-2 Spirit”, “F-15E” və “F-35” təyyarələri daşıya bilər.
Almaz Həsənli
