Bakı,14 dekabr, AZƏRTAC
Bu gün futbol üzrə Misli Premyer Liqasında XVII tura iki oyunla start veriləcək.
AZƏRTAC xəbər verir ki, ilk olaraq meydana “Şamaxı” və “Səbail” komandaları çıxacaqlar. Şamaxı şəhər stadionunda reallaşacaq görüş saat 14:00-da başlayacaq.
Bölgə klubu 13 xalla 7-ci, “dənizçilər” isə 8 xalla sonuncu – 10-cu pillədə qərarlaşıb.
Günün ikinci qarşılaşmasında turnir cədvəlinin lideri “Araz-Naxçıvan” “Sabah”la üz-üzə gələcək. "Liv Bona Dea Arena"da təşkil olunacaq matç saat 16:00-da start götürəcək.
Naxçıvan təmsilçisi 39 xalla birinci, “bayquşlar” isə 23 xalla 5-ci sıradadır.
Qeyd edək ki, XVII turun digər oyunları dekabrın 15-16-da keçiriləcək.
