Çinin premium elektrik avtomobilləri istehsalçısı HiPhi maliyyə problemlərinə görə müflis ola bilər.Bu barədə Carnewschina.com xəbər verir. Şirkətin qeyri-stabil mövqeyi ilə bağlı şayiələr 2024-cü ilin əvvəlində ortaya çıxıb. Belə ki, 2024-cü ilin yanvarında şirkət işçilərinə maaşların ödənilməsini gecikdirib, 2023-cü ildə fəaliyyətin nəticələrinə görə mükafatları ləğv edib, həmçinin top-menecerlərinin maaşlarını azaldıb.
Yanvar ayında da HiPhi avtomobillərinin istehsalının və tədqiqat-konstruktor işlərinin dayandırılması ilə bağlı söz-söhbətlər də yayılmağa başladı.
Bu xəbərlərə cavab olaraq HiPhi nümayəndələri şirkətin fəaliyyətini davam etdirdiyini bildirdilər. HiPhi Çinin Human Horizons şirkətinin premium brendidir. Markanın ilk elektrikli avtomobili HiPhi X-in satışı 2021-ci ildə başlayıb.
AzVision.az
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
