Fövqəladə Hallar Nazirliyinin (FHN) “112” qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən ötən sutka ərzində 43 halda yanğına çıxış və 6 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib. FHN-in mətbuat xidmətindən SİA-ya bildirilib ki, görülmüş təcili və təxirəsalınmaz tədbirlər nəticəsində yanğınlar operativ söndürülüb, insanların həyatı xilas olunub.
Ümumilikdə, nazirliyin qüvvələri ötən sutka ərzində 4-ü azyaşlı olmaqla 15 nəfəri xilas edib, yanğın yerinin kəşfiyyatı zamanı 1 nəfərin cəsədi aşkarlanaraq aidiyyəti üzrə təhvil verilib.
