1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Gürcüstan millisinin və Fransanın "Metz" klubunun hücumçusu Jorj Mikautadze "Monako" ilə şəxsi müqaviləsinin şərtləri ilə bağlı şifahi razılığa gəlib.
Bu barədə jurnalist Fabrizio Romano "X" (keçmiş "Twitter") sosial şəbəkəsindəki səhifəsində məlumat verib.
Məlumata görə, "Monako" AVRO-2024-ün sonuna qədər digər klubları sövdələşməyə yaxın buraxamamaq üçün "Metz"ə qiymət razılaşması təklifi göndərib.
Xatırladaq ki, Mikautadze 2024-cü il Avropa çempionatının qrup mərhələsinin bombardiri olub. Hücumçu turnirin bu mərhələsində 3 qol vuran yeganə oyunçudur.
