1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"WhatsApp"da istifadəçilərə vacib əlaqələri və qrupları daha sürətli tapmağa kömək edəcək yeni funksiya işə salınacaq.
Oxu.Az-ın verdiyi məlumata görə, bu barədə şirkətin bloqunda anons edilib.
Bildirilib ki, bunun üçün çatları və zəngləri "Seçilmişlər"ə əlavə etmək lazımdır.
"Seçilmişlər"ə əlavə etmək üçün:
- Söhbətlər bölməsində "Seçilmişlər" filtrini tətbiq edin və kontaktları və ya qrupları seçin.
- "Zənglər" tabında "Seçilmişlərə əlavə et" düyməsinə basın, sonra kontaktları və ya qrupları seçin.
- Seçilmişlər siyahısını idarə etmək üçün "Parametrlər" > "Seçilmişlər" > "Seçilmişlərə əlavə et" bölməsinə keçin.
Kontaktların və qrupların sırasını istənilən vaxt dəyişmək olar.
Qeyd olunub ki, istənilən qrupu "Seçilmişlər"ə əlavə etmək olar, şəxsi yazışmaları isə yalnız şəxs istifadəçinin kontaktında varsa, əlavə etmək olar. Əks halda - "Seçilmişlərə əlavə etmək mümkün olmadı, siz yalnız öz kontaktlarınızı əlavə edə bilərsiniz", - bildirişi görünəcək.
Yenilik artıq "WhatsApp"ın yenilənmiş versiyalarının istifadəçiləri üçün əlçatandır.
