1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiyanın Tatarıstan Respublikasının paytaxtı Kazan şəhərində leysan yağış və dolu yağıb.
Bu barədə Oxu.Az TASS-a istinadən xəbər verir.
Məlumata görə, şəhərin mərkəzi küçələrini su basıb. Şəhərin bəzi ərazilərində dolunun diametri bir neçə santimetrə çatıb. Yoldan keçən avtomobillərin demək olar ki, yarısı suyun içində qalıb.
Kazan meriyası pis hava şəraitinin nəticələrinin aradan qaldırılması istiqamətində işlərin aparıldığını deyib və zərurət olmadıqca yola çıxmamağı tövsiyə edib.
Həmçinin yağış sularının küçələrdə toplanması ilə əlaqədar tramvay və trolleybus marşrutlarının hərəkətində müvəqqəti dəyişikliklər edilib.
