“Qarabağ”ın UEFA Çempionlar Liqasının 3-cü təsnifat mərhələsində Bolqarıstanın “Ludoqorets” komandası ilə oyunlarının vaxtı dəqiqləşib.
Arena.az xəbər verir ki, bu barədə Ağdam klubunun rəsmi saytı məlumat yayıb.
Xəbərdə bildirilir ki, bu komandalar arasındakı ilk oyun avqustun 6-da Tofiq Bəhramov adına Respublika stadionunda keçiriləcək. “Qarabağ” – “Ludoqorets” matçına saat 20:00-da start veriləcək.
Səfərdə keçiriləcək cavab görüşü isə avqustun 13-də baş tutacaq. Həmin oyuna Bakı vaxtı ilə saat 22:00-da start veriləcək.
Xatırladaq ki, Azərbaycan çempionu əvvəlki raundda Cəbəllütariqin “Linkoln” komandasını mübarizədən kənarlaşdırıb. Bolqarıstan çempionu isə Belarusun “Dinamo” (Minsk) komandasından güclü olub.
