Amerikalı rejissor, "Terminator" və "Avatar" kimi məhşur filmlərin müəllifi Ceyms Kemeron 2024-cü ildə yenidən sevimli mövzusuna müraciət edəcək.
Reyting.az xəbər verir ki, rejissor dünyaca məhşur olan və zamanında çox böyük gəlir gətirən kassa filmləri siyahısına düşmüş, fantastik janrda çəkilmiş "Avatar"-ın ardını tamamilə yeni, fərqli süjetdə ekranlaşdırmaq fikrindədir.
C. Kemeron ondan açıqlama istəyən "The Hollywood Reporter" nəşrinin bu mövzu ilə bağlı suallarını cavablandırıb. Rejissor yeni işindən ətraflı danışmasa da, filmlə bağlı bəzi məsələlərdən söz açmaqdan imtina etməyib. O, "Avatar" filminin franşizasının qarşıdan gələn yeni hissələri haqqında qısa məlumat verib. Hətta zarafatla deyib:
"İrəlidə çox işlər var və işlərin bəzi hissəsi artıq görülür. Bir sözlə, sizin direktorun hələ ki, təqaüdə çıxmaq fikri yoxdur".
Müsahibədən bir parçanı təqdim edirik:
- Dördüncü, həmçinin beşinci "Avatar"-lara şəxsən özünüz rəhbərlik etməyi planlaşdırırsınızmı? Axı belə bir söhbət yayılmışdı ki, Kemeron istehsaldan imtina edəcək.
- Əlbəttə ki. Tamamilə bütün rəhbərliyi mən təmsil edəcəyəm. Hələ ki, çox böyük enerjim var və işimdən zövq alıram. Niyə də olmasın? Yeri gəlmişkən, onların mənim haqqımda yazdıqlarını təxminən bir ay əvvəl yenidən oxudum. Anlamaq lazımdır ki, onlar uydurma, daha doğrusu, sadəcə, inanılmaz hekayələr danışırlar və buna görə onları çıxdaş etmək gərəkdir. Baxın, əgər məni avtobus vursa və yaxud ventilyatora düşsəm, başqasının bunu edə biləcəyi yeganə yoldur.
- Yaxşı, ümid edirəm ki, bu baş verməz.
- Bəli, mən belə ssenarilərdən qaçmağa çalışıram.
Daha sonra nəşr yazıb ki, "Avatar 3" 2025-ci il dekabrın 19-da – 2,3 milyard dollar gəlir əldə edən və həm də vizual effektlərə görə “Oskar” qazanmış filmin yayımlanmasından tam üç il sonra təqdim olunacaq. Filmin şərti adı isə "Atəş və Kül"dür.
Müsahibəsində rejissor "Terminator"-un kainatında hələ elan edilməmiş bir layihə üzərində işlədiyini də qeyd edib, lakin o, bu barədə danışmağın hələ çox tez olduğunu deyib.
16 avqust 2024-cü ilində 70 yaşını qeyd edəcək amerikalı məhşur rejissor yaradıcılıq layihələrindən danışıb, hətta "Terminator" filminin ardı kimi yeni və daha baxımlı bir super layihə üzərində işlərə başlanıldığına eyham vurub.
Bununla bağlı sualı cavablandıran Ceyms Kemeron deyib:
"Bu çox maraqlı görünür. Mənim mövzuya yanaşmam "Terminator: Future"-yə çox bənzəyir və mən həmişə hərəkətə gətirdiyim dünyada hekayələri izah edən digər insanların perspektivləri ilə maraqlanıram. Onların gəldiyi nəticə nədir? Bunda onları nə maraqlandırdı? Onlar nəyi hədəfləyirlər? Görünür, onlar yenə Qiyamətin əsas səbəbinə, yəni nüvə müharibəsinə qayıdırlar, eləcə də bunun həqiqətən dünyada son zamanın qrafiki olub-olmadığını öyrənirlər. Mənə maraqlı olardı ki, onlar nə fikirləşirlər. Hazırda öz "Terminator" materiallarım üzərində çox həvəslə işləyirəm. Bunun bu layihə ilə heç bir əlaqəsi yoxdur. Bu, heç Sara Konnorun hekayəsi də deyil, amma bir az da orada olduğu kimidir, çünki o, bəzən tamamilə müstəqil şəkildə mənim iş proseslərində üzərində oynadığım mövzularla məşğul olurdu. Deməli, orada da müəyyən maraq var. Bu, sadəcə, bir canyanğısı, bir maraq deyil, ancaq süjet vasitəsilə açıq-aydın uğur görmək də gözəl olardı. Daha fərqli və yeni yanaşma. Hazırda iş gedir və "Terminator" layihəsi tamamilə yenidən təsnif edilir.
C. Kemeron "The Hollywood Reporter" nəşrinin ona ünvanladığı "Yaxşı, o zaman siz bir az da "Avatar" haqqında danışın. Siz artıq neçə ildir "Avatar 3" post-produksiyadasınız. İşlər necə gedir? Azarkeşlərə üçün xəbər varmı?" - sualını da cavablandırmalı olub.
C. Kemeron son sualı özünəməxsus bir tərzdə cavablandırıb:
- Bəli. Xəbər olacaq. Belə bir işlə məşğul olmaq həqiqətən də sərinlik gətirir və siz onu mütləq sevəcəksiniz. Ancaq təbii ki, indi bundan çox geniş danışa bilmərəm.
Oqtay QORÇU
