Tarixdə ilk dəfə: ABŞ-ın dövlət borcu 34 trilyon dolları keçib

ABŞ-ın dövlət borcu tarixdə ilk dəfə 34 trilyon dolları keçib. Bunu Amerika Maliyyə Nazirliyinin departamentin saytında dərc olunmuş statistik məlumatları sübut edir.
Cədvəldən göründüyü kimi, dekabrın 29-na ölkənin ümumi ödənilməmiş dövlət borcu 34,001 trilyon dollar təşkil edib. Bir gün əvvəl 33,911 trilyon olaraq qiymətləndirilmişdi. 33 trilyon dollarlıq dövlət borcunun əvvəlki rekord səviyyəsi sentyabrın ortalarında qeydə alınıb.
2023-cü ilin əvvəlində ABŞ-ın dövlət borcu müəyyən edilmiş 31,4 trilyon dollar həddini keçib. Bundan sonra ABŞ Maliyyə Nazirliyi limitin qaldırılmadığı təqdirdə defolt təhlükəsi barədə dəfələrlə xəbərdarlıq edib. ABŞ prezidenti Co Bayden və demokratlar Konqresi heç bir şərt olmadan yuxarı həddi artırmağa çağırıblar. Eyni zamanda, Nümayəndələr Palatasına nəzarət edən respublikaçılar büdcə xərclərini azaltmadan tavanı qaldırmaqdan imtina ediblər.
Mayın 29-da prezident Bayden və Nümayəndələr Palatasının o zamankı spikeri Kevin MakKarti kompromis əldə etmişdilər və iyun ayında Co Bayden 2 yanvar 2025-ci ildə borc tavanını artıran qanunu imzalamışdı. Bu tarixə qədər limit dayandırılır. Ağ Ev əmin edib ki, dövlət borcuna dair razılaşma Ukraynaya yardıma təsir etməyəcək.
S.ELAY
XQ