Cennifer Lopezin makiyajsız halı müzakirələrə səbəb oldu -

Amerikalı aktrisa və müğənni Cennifer Lopez makiyajsız halda paparassilərə tuş gələrək internetdə müzakirələrə səbəb olub. Müvafiq fotoşəkillər və şərhlər "Daily Mail" saytında dərc edilib.54 yaşlı məşhur Los-Ancelesdəki məşqdən sonra böyük ölçülü bej idman kostyumu və ağ idman ayaqqabısı ilə görüntülənib. Görüntülərdə onun əlində təkrar istifadə edilə bilən içki şüşəsi və mobil telefonu var. Yerləşdirilən kadrlardan da görünür ki, ulduz makiyajdan imtina edib və saçlarını sıx topuz halına salıb.Portalın oxucuları materialın altındakı şərhlərdə Lopesin görünüşü ilə bağlı fikirlərini bölüşdülər. “O, bizim hamımız kimi görünür. O, sadəcə bunu etiraf edə bilmir”, “Mən həmişə J.Lo-nun makiyajsız daha gözəl göründüyünü düşünürdüm. Çox gözəl dərisi var”, “O, hələ də gözəldir”, “Təsəvvür edin, səhərlər necə görünür”, “Üzündə ciddi iş gördüyünü açıq şəkildə gizlədir”, “İnanmaq çətindir ki, heç bir əməliyyatı yoxdur” və s. bu kimi şərhlər bildirilib.Cennifer Lopez daha əvvəl sosial şəbəkələr üçün çəkdiyi videolarda makiyajdan imtina etməsini izah etmişdi. 54 yaşlı məşhur bildirib ki, abunəçilərinə təbii görünüşünü göstərəndə özünü daha inamlı hiss edir. O, qeyd etmişdi ki, səliqəsiz saç düzümü və düzəldilməmiş kirpikləri ilə evdən asanlıqla çıxa bilir.