ABŞ BMT İnsan hüquqları şurasına qayıtdı

BMT Baş Assambleyası səs çoxluğu ilə ABŞ-ın BMT İnsan hüquqları şurasına qayıtmasına səs verib. "Radio Svoboda” xəbər verir ki, Birləşmiş Ştatlar şuranın yeni tərkibinə qəbul edilməsi barədə fevralın 24-də müraciət etmişdi. "Biz BMT-nin bütün üzv dövlətlərindən Şuraya qayıtmaq cəhdimizi dəstəkləməyi acizanə xahiş edirik”, - deyə o zaman dövlət katibi Entoni Blinken demişdi. Bununla belə qeyd olunub ki, Co Bayden administrasiyası Donald Tramp administrasiyasının şuranı 2018-ci ildə tərk edərkən səsləndirdiyi tənqidləri qismən bölüşür. BMT İnsan hüquqları şurası Baş Assambleya tərəfindən seçilən 47 üzv-dövlətdən ibarətdir. Hər bir üzvün səlahiyyət müddəti 3 ildir və heç biri iki müddətdən artıq seçilə bilməz. Şurada yerlər regionlar üzrə bölüşülür. 13 yer Afrika üçün, 13 yer Asiya üçün, 6 yer Şərqi Avropa üçün, 8 yer Latın Amerikası və Karib hövzəsi ölkələri üçün, 7 yer isə Qərbi Avropa və başqa ölkələr üçün (ABŞ, Kanada və İsrail də daxil) nəzərdə tutulur.14:43

Mənbə:
0
751
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar