Bakı,TurkicWorld
TÜBİTAK UZAY tərəfindən Türkiyənin ilk yerli və milli rabitə peyki TÜRKSAT 6A üçün hazırlanmış elektrik mühərriki uğurla atıldı işə salınıb.
TurkicWorld xəbər verir ki, bu barədə TÜBİTAK-ın X sosial media hesabında paylaşım edilib.
Paylaşımda HALE 1500 elektrik mühərrikinin yeddi dəqiqə ərzində uğurla işə salındığı qeyd edilib.
Həmçinin yazıda peykin manevr fəaliyyəti haqqında məlumat verilib.
“Türksat 6A-nın orbital sınaqlarını davam etdirərkən, Yer, Günəş və Aydan qaynaqlanan pozucu faktorlara baxmayaraq peykimizin orbitdə qalması və digər peyklərlə təhlükəsiz məsafənin qorunması üçün mühafizə manevrləri də etməliyik. Bu məqsədlə HALE 300 versiyası olan iki yerli elektrik mühərrikindən istifadə edəcəyik”,- deyə paylaşımda qeyd olunub.
