Fransada solçu "Tabe olmayan Fransa" partiyası, Prezident Emmanuel Makronun vəzifədən uzaqlaşdırılması üçün Milli Assambleyaya təklif göndərməyi planlaşdırır. Təklif, Konstitusiyanın 68-ci maddəsinə əsaslanaraq Milli Məclisin Bürosuna təqdim ediləcək.
Fins.az xəbər verir ki, bu addım, Makronun solçu Yeni Xalq Cəbhəsinin namizədi Lüsi Kasteti baş nazir təyin etməkdən imtina etməsindən sonra atılıb. Partiya lideri, həmçinin solçu tərəfdarları prezidentin qərarına qarşı yürüşə çağırıb.
Konstitusiya hüququ ekspertləri bu təşəbbüsün uğurlu olma ehtimalının çox az olduğunu qeyd edirlər. Belə ki, istefa təklifi əvvəlcə hər iki palata tərəfindən qəbul edilməli, sonra isə parlament üzvlərinin üçdə iki səs çoxluğu ilə təsdiqlənməlidir.
Kaira Agayeva
Fins.az
