Babayan özünü Qarabağ ermənilərinin “lideri” elan etdi

Bir zamanlar Qarabağda separatçılara başçılıq edən, hətta qanunsuz silahlı dəstəyə başçılıq etmiş terrorçu Samvel Babayan özünü Qarabağ ermənilərinin “lideri” elan edib. JAMAZ.İNFO xəbər verir ki, bu barədə “Joqovurd” qəzeti məlumat yayıb.
Həmin məlumatda deyilir ki, Babayan artıq parlament seçkilərinə hazırlaşır və bunun üçün tərəfdar toplayır. O bu günlərdə separatçıların qondarma  “deputat”larına müraciət edərək, xüsusi komitə yaradılmasını və özünü isə onun rəhbəri təyin edilməsini təklif edib. Məqsəd isə 2026-cı ildə Ermənistanda keçiriləcək parlament seçkilərində Qarabağ ermənilərinin “lideri” və vahid qüvvə ilə iştirakını təmin etməkdir.