Çində təyyarədə baş verən hadisə sosial mediada böyük müzakirələrə səbəb olub.
"Cebheinfo.az" xəbər verir ki, hadisə avqustun 24-də Çinin cənub-qərbindəki Quiyang şəhərindən Şanxaya uçan təyyarədə baş verib.
Belə ki, İki qadın ölkədaxili uçuş zamanı ağlayan körpəni nənəsindən ayıraraq təyyarənin tualetinə bağlayıb və həmin anları sosial şəbəkədə paylaşıb.
Görüntülər tez bir zamanda trend mövzusuna çevrildikdən sonra aviaşirkət qızın nənəsinin icazəsi ilə tualetə aparıldığını bildirib.
Görüntülərdən sonra sosial media istifadəçilərindən yüzlərlə reaksiya gəlib. İstifadəçilər nənə və iki qadının məhkəməyə verilməli və sosial xidmətlərin hadisəni araşdırmalı olduğunu bildirib.
