Sosial təminat sistemlərindən və iqtisadi şəraitdən asılı olaraq müxtəlif ölkələrdə pensiya yaşları dəyişir.
Hafta.az-ın yazdığına görə, Azərbaycanın özündə də gündəm mövzusu olaraq qalan pensiya yaşı məsələsi ölkələrin hər birində var desək, yanılmarıq. Amma bir çox dövlətlərdə yaş həddinin aşağı, digər bir qrupda isə yuxarı olması, birmənalı olaraq əhalinin uzunömürlülük səviyyəsinə bağlıdır.
Bəzi ölkələrdə pensiya yaşı aşağıdakı kimi təsdiq olunub:
1. Türkiyədə qadınlar 58 yaş, kişilər 60 yaşda, 2. Fransada qadınlar və kişilər 62 yaşda, 3. İspaniyada qadınlar və kişilər 65 yaşda, 4. İsveçdə qadınlar və kişilər 61 yaşda, 5. Böyük Britaniyada qadınlar və kişilər 66 yaşda, 6. Almaniyada qadınlar və kişilər 67 yaşda, 7. İtaliyada qadınlar və kişilər 67 yaşda pensiyaya çıxır.
Qeyd edək ki, Azərbaycanda 2024-cü ilin iyulun 1-ə olan məlumata əsasən kişilər üçün 65, qadınlar üçün isə 64 yaşda pensiya təyin olunur. Ancaq qadınların pensiya yaşı bir il sonra 65 olaraq təyin olunacaq.
