Moskvada qələbənin 80 illiyi şərəfinə parad ərəfəsində Müstəqil Dövlətlər Birliyi (MDB) ölkələrinin qeyri-rəsmi sammitinin keçirilməsi planlaşdırılır.
“Cebheinfo.az” “Gazeta.ru”-ya istinadən xəbər verir ki, bu barədə Rusiya Prezidentinin mətbuat katibi Dmitri Peskov məlumat verib.
O qeyd edib ki, sammitdən əlavə bir çox digər ikitərəfli təmaslar da nəzərdə tutulub.
Sentyabrın 3-də Monqolustan Prezidenti Uxnaaqiyn Xurelsux rusiyalı həmkarı Vladimir Putinin bu ilin oktyabrında Kazanda keçiriləcək “BRICS plus autreach” formatında görüşdə iştirak etmək dəvətini qəbul edib.
Həmçinin sentyabrın 4-də Daşkənddə öz işinə başlayacaq MDB-nin terrorizmə qarşı mübarizə konfransı və Şanxay Əməkdaşlıq Təşkilatı (ŞƏT) ölkələrinin antiterror strukturunun beynəlxalq elmi-praktik konfransının birgə işinin elanı da olub. İştirakçılar terrorizmlə mübarizə sahəsində beynəlxalq əməkdaşlıq məsələlərini və antiterror fəaliyyətinin elmi və tədris bazasının təkmilləşdirilməsi tədbirlərini müzakirə edəcəklər.