Luis Suares Uruqvay yığmasındakı karyerasını başa vurmaq qərarına gəlib.
“İnter Mayami”nin 37 yaşlı hücumçusu bu barədə mətbuat konfransında xəbər verib. Suares DÇ-2026-nın seçmə mərhələsinin Paraqvayla sentyabrın 6-da keçiriləcək matçının onun üçün yığmadakı son oyun olacağını bildirib. Uruqvay yığmasında 142 oyun keçirən Suares 69 qol vurub, 39 məhsuldar ötürmə edib. Milli formanı 2007-ci ildən daşıyan futbolçu 2011-ci ildə komanda ilə Amerika Kubokunun qalibi olub.
Qeyd edək ki, Suares milli formada ən çox oyun keçirən ikinci futbolçudu. Uruqvay yığmasının bu planda rekordçusu 161 oyunla Dieqo Qodindi.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
