Prezident Vladimir Putin bildirib ki, prezident seçkilərində Kremlin favoriti ABŞ-ın hazırkı prezidenti Co Bayden olub.
Lakin o, seçkilərdə iştirakdan imtina etmək qərarına gəldiyindən və tərəfdarlarını vitse-prezident Kamala Harrisin dəstəkləməyə çağırdığından, Kreml bunu edəcək. “Favvoritlərə gəlincə, bunu müəyyən etmək bizim işimiz deyil. Bu, hələ də Amerika xalqının seçimidir.
Dedim ki, bizim sevimlimiz, belə demək mümkünsə, indiki prezident Bayden idi. O, yarışdan kənarlaşdırıldı, lakin bütün tərəfdarlarını xanım Harrisi dəstəkləməyə təşviq etdi. Biz də bunu edəcəyik – onu dəstəkləyəcəyik. Bu, birincisi. İkincisi, Kamala Harris çox mənalı və yoluxucu bir şəkildə gülür. Bu o deməkdir ki, o, yaxşı işləyir”, – deyə Vladimir Putin Şərq İqtisadi Forumunda (EEF) plenar iclasda təbəssümlə bildirib. Rusiya prezidenti qeyd edib ki, indi yenidən dövlət başçısı postuna iddialı olan ABŞ-ın 45-ci prezidenti Donald Tramp daha əvvəl heç bir Amerika prezidentinin tətbiq etmədiyi qədər sanksiya tətbiq edib. “Əgər xanım Harris yaxşı işləyirsə, o zaman bəlkə də bu cür hərəkətlərdən çəkinəcək. Son nəticədə seçim Amerika xalqının ixtiyarındadır və biz bu seçimə hörmətlə yanaşacağıq”, – deyə Putin əlavə edib.
Qeyd edək ki, ABŞ-da prezident seçkiləri noyabrın 5-də keçiriləcək.
//Samir Qurbanov, Editor.az
