ABŞ-da “vergidən yayınma” ittihamı ilə məhkəməsi başlayan prezident Co Baydenin oğlu Hunter Bayden ona qarşı irəli sürülən bütün ittihamlarla razılaşacağını bildirib.
Hunter Bayden Kaliforniyada mühakimə üçün münsiflər heyətinin seçiləcəyi Los Anceles Federal Məhkəməsində iddianamədəki 9 ittihamın hamısını qəbul etməyə hazır olduğunu bildirib.
Prosesə sədrlik edən hakim Mark Skarsi ondan dinləmədə ittihamları boynuna alacağı təqdirdə 15 ilə qədər həbs cəzası ala biləcəyini başa düşüb-düşmədiyini soruşduqda, Bayden “Bəli, başa düşürəm” deyib.
Scarsi Baydenə xəbərdarlıq edib ki, ittihamları qəbul edərsə, 500 min dollardan 1 milyon dollara qədər cərimə oluna bilər.
Baydenin vəkili Abbe Louell, müvəkkilinin məhkəmənin “xüsusi səbəblərə görə” münsiflər heyətinin seçilməsi olmadan başa çatmasını istədiyini, dostlarının və ailəsinin onun narkotik aludəçisi olduğu vaxtlarda baş verən vergidən yayınma ilə bağlı ifadə verməsinin qarşısını aldığını söyləyib.
Prokuror Leo Uays da Baydenin ittihamnamədəki bütün ittihamları qəbul edib-etmədiyini açıq şəkildə bildirməsi lazım olduğunu ifadə edərək, “Məhkəmənin razılaşmanı qəbul etməsi üçün əsas olmalıdır. Müttəhimdən irəli sürülən iddialar haqqında açıq olması istənilməlidir və razı olub-olmadığını bildiriməlidir”, – deyib.
Bayden ittiham aktına etiraz etmədikdən sonra hakim Skarsi ittihamları qəbul edib və hökmü müəyyən etmək üçün dekabrın 16-na iclas tarixi təyin edib.
Siyasi analitiklər qeyd edirlər ki, Baydenin günahını etiraf etməsi noyabrda keçiriləcək prezident seçkilərində demokratlara mənfi təsir göstərə bilər.
Baydenin vəkilləri səhər iclasında “Alford müdafiəsi” təklif ediblər.
İclasın səhər hissəsində Baydenin vəkilləri məhkəməyə “Alford müdafiəsi” adlı təkliflə çıxış ediblər. Baydenin “günahsızlığını iddia etməyə davam edəcəyi, ona qarşı irəli sürülən ittihamları qəbul edəcəyi və ona veriləcək cəzanı qəbul edəcəyi” və bu razılaşmanın qəbul ediləcəyi təqdirdə məhkəmə prosesinin həll olunacağı bildirilib.
Bu təkliflə hakim Skarsi iclası təxirə salıb və tərəflərdən bunu məhkəmə zalından kənarda müzakirə etməyi xahiş edib. Bununla belə, ittiham tərəfi Baydenin günahkar olduğunu bildirib və Alfrod müdafiəsini qəbul etməyəcəklərini açıqlayıb.
“Alford plea” adlanan təqsirini boynuna alma razılaşması o deməkdir ki, təqsirləndirilən şəxs günahsız olduğuna inanmaqda davam etsə də, ittiham tərəfinin ona qarşı kifayət qədər sübuta malik olduğunu nəzərə alaraq, xüsusi razılaşma ilə ittihamları qəbul edir.
***
Hanter Bayden, ona qarşı ittihamları araşdırmaq üçün Ədliyyə Departamenti tərəfindən təyin edilmiş xüsusi prokuror David Ueys tərəfindən Kaliforniyada 1,4 milyon dollar vergidən yayınmaqda ittiham olunur.
İttihamnamədə 3-ü ağır olmaqla 9 vergi ittihamı ilə üzləşən Baydenin 2017 və 2018-ci illərdə 1,4 milyon dollar federal vergi ödəmədiyi və saxta vergi bəyannamələri təqdim edərək vergidən yayındığı qeyd edilib.
Bayden vergiləri vaxtında ödəmək əvəzinə, pullarını dəbdəbəli avtomobillərə, narkotiklərə və ekstravaqant otellərdəki fahişələrə xərcləməkdə ittiham olunur.
Ötən ilin iyulunda xəbərlərdə Baydenin ona qarşı irəli sürülən ittihamlar çərçivəsində prokurorluqla razılığa gəldiyi, lakin tərəflər detallar üzərində razılaşa bilmədiyi üçün razılaşma əldə olunmadığı bildirilmişdi.
ABŞ Konqresindəki Respublikaçılar Hanter Baydeni atasının siyasi mövqeyindən xarici işgüzar əlaqələrdən qazanc əldə etmək üçün istifadə etdiyinə görə, Ədliyyə Departamentini isə Hanter Baydenə qarşı vergi cinayətləri ilə bağlı araşdırmaları düzgün şəkildə yavaşlatdığına görə tənqid edirlər.
Bayden ona qarşı irəli sürülən bütün ittihamları rədd edib.
Digər tərəfdən Bayden, qeyri-qanuni silah əldə etmə ilə bağlı Delaver əyalətində ona qarşı açılan digər federal işdə mühakimə nəticəsində iyunun 11-də iddianamədə 3 ittiham üzrə münsiflər heyəti tərəfindən günahkar bilinib.
Münsiflər prezidentin oğlunu federal lisenziyalı silah alverçisinə yalan danışmaqda, ərizə formasında narkotik istifadəçisi olmadığını bildirməkdə və 11 gün ərzində qanunsuz olaraq silah saxlamaqda təqsirli biliblər.
ABŞ tarixində ilk dəfə olaraq vəzifədə olan prezidentin oğlu hakim qarşısına çıxıb və ona qarşı irəli sürülən ittihamlarla təqsirli bilinib.
