Bu gün 21 yaşadək futbolçulardan ibarət Azərbaycan millisi Avropa çempionatının seçmə mərhələsində növbəti oyununu keçirəcək.
Fanat.Az xəbər verir ki, Samir Əliyevin baş məşqçisi olduğu kollektiv Lüksemburqun qonağı olacaq.
Qarşılaşma Bakı vaxtı ilə saat 21:30-da start götürəcək və "CBC Sport" kanalı vasitəsilə canlı yayımlanacaq. Görüşü İsveçrədən olan Dezire Qrundbaxer idarə edəcək.
F qrupunun digər matçlarında Ukrayna Serbiyanı, Şimali İrlandiya İngiltərəni qəbul edəcək.
AÇ-2025
F qrupu
6 sentyabr
Saat 21:30. Lüksemburq U-21 - Azərbaycan U-21
Hakim: Dezire Qrundbaxer, Matias Sbrissa, Quillaume Maire, Anojen Kanagasingam (Hakimlər briqadası İsveçrədəndir)
Eş-syur Alzett. "Emile Mayrisch" stadionu.
Qeyd edək ki, 6 oyuna 3 xal toplayan U-21 sonuncu - 6-cı pillədə qərarlaşıb. Ukrayna (6 oyun) 18 xalla liderdir. Eyni xala malik İngiltərə (7 oyun) ikinci, Serbiya (7 oyun) 10 xalla üçüncü, Şimali İrlandiya (6 oyun) 6 xalla dördüncü, Lüksemburq (8 oyun) 4 xalla beşincidir.
