Amerikanın telekommunikasiya korporasiyası “Verizon” 20 milyard dollara “Frontier Communications” şirkətini satın almağa razılaşdığını açıqlayıb, Banker.az bu barədə Kommersant.ru-ya istinadən xəbər verir. “Verizon” hər “Frontier” səhmi üçün 38.50 dollar pul ödəməyə hazırdır ki, bu da “Frontier”in sentyabrın 3-də səhm başına 37.3% bonus deməkdir.
“Verizon” – gəlirlərinə görə dünyanın ikinci ən böyük telekommunikasiya şirkətidir, ABŞ-də isə ən böyük simsiz operatordur. “Frontier” – ABŞ-də ən böyük fiber-optik genişzolaqlı internet provayderidir. Qeyd olunur ki, şirkətlərin fəaliyyət göstərdiyi bazarlar praktiki olaraq kəsişmir.
“Verizon” səhmləri müqavilə elan edildikdən sonra Nyu-York Fond Birjasında 1% bahalaşıb, sonra təxminən 2% itirib. “Frontier” səhmləri isə 9%-dən çox aşağı düşüb.
