Finlandiya hakimiyyəti Avropa İttifaqından kənar ölkələrdən olan alıcılar üçün altı daşınmaz əmlak əməliyyatını qadağan edib.
Medianews.az xarici mediaya istinad edərək xəbər verir ki, Finlandiyanın müdafiə naziri Antti Hakkänen Rusiya, Ukrayna və İsveçrə vətəndaşlarına daşınmaz əmlakın alınmasına icazənin verilməsindən imtina edən altı qətnamə imzalayıb.
Söhbət Mikkeli, Lieksa və İmatra şəhərlərindəki obyektlərlə aparılan əməliyyatlardan gedir. Alıcılar fiziki və bir hüquqi şəxs olub.
Qərar xüsusi icazə tələb olunan Daşınmaz Əmlakın Təhvil verilməsi Aktı ilə qəbul edilib.
Müdafiə Nazirliyi bu əməliyyatların şübhə doğurduğunu və milli təhlükəsizliyə təhdid yarada biləcəyini, habelə milli müdafiənin təşkilinə və ya ərazi bütövlüyünün qorunmasına mane ola biləcəyini vurğulayıb.
