Çinin iki böyük dövlət broker şirkəti, Haitong Securities və Guotai Junan Securities, 1,68 trilyon yuan (230 milyard dollardan çox) aktivləri ilə Çinin ən böyük brokerini yaradacaq birləşməni elan ediblər.
“İki sahil” “Kommersant”a istinadla xəbər verir ki, birləşmə şirkətlərin səhmlərinin mübadiləsi yolu ilə baş tutacaq. Müqavilə hələ də tənzimləyicilərin təsdiqini tələb edir.
Birləşmə Çin iqtisadiyyatının yavaşlaması və zəif birja əməliyyatları fonunda baş verir. Ötən il Çinin ən böyük ictimai şirkətlərinin CSI 300 indeksi 14% azalıb. Bu yaxınlarda Haitong Securities-in top menecerlərindən biri Jiang Chengjun həbs edilib. Çin lideri Xi Jinping dəfələrlə bəyan edib ki, Çini güclü maliyyə gücünə çevirmək üçün sənayedə struktur islahatlarına ehtiyac var.
