Məşhur keçmiş hücumçu Serxio Aquero 2024-cü ildə "Qızıl top"u qazanmağa layiq olan oyunçunun adını açıqlayıb.
90deqiqe.Az xəbər verir ki, 36 yaşlı sabiq futbolçu bunun “Mançester Siti”nin futbolçusu Rodrinin olduğunu bildirib.
“Mükəmməl il, siz buna layiqsiniz. Davam et, Rodri”, - Aquero sosial şəbəkə hesabında yazıb.
Qeyd edək ki, 2024-cü ildə Rodri “Mançester Siti” ilə İngiltərə çempionu olub. Daha sonra yarımmüdafiəçi İspaniya millisinin heyətində Avropa çempionu olub. Qeyd edək ki, Serxio Aquero 2021-ci ildə ürəyində yaranan problemə görə təqaüdə çıxmaq məcburiyyətində qalıb
