Parlament seçkilərində 125 dairədən bir əlin barmağı ilə sayılacaq dairədə xoşagəlməz hal olması iddiası olub.
APA xəbər verir ki, bunu Mərkəzi Seçki Komissiyasının (MSK) bu gün keçirilən iclasında MSK sədri Məzahir Pənahov deyib.
MSK sədri bildirib ki, bu özü böyük nailiyyətdir: “Sosial şəbəkədə çox az dairədə xoşagəlməz hal olması iddiası olub. Biz olan görüntüləri araşdırırıq. Çalışırıq ki, kiçik də olsa seçicilərin iradəsini ortaya qoymağa mane olan hal varsa, ciddi reaksiya verək. Bu ondan xəbər verir ki, prinsipcə seçkilərdə qalib namizədin müəyyənləşdirilməsi baxımından problem olmayıb. Biz hər zaman nəticələrə təsir etməyən prosedur pozuntusu olan məntəqələri belə çalışırıq ki, onları seçkilərdən uzaqlaşdırılmasında vasitəçi olaq.”.
