"Real" Vinisiusun idman formasındakı enişdən narahatdır.
Publika.az xəbər verir ki, bu iddia ilə Madrid klubuna yaxın olan AS nəşri çıxış edib.
Braziliyalı yeni mövsümdə Madrid klubunda 7 oyun keçirib və 1 qol vurub. Onun çıxış nisbəti 25%-dən 9%-ə düşüb.
Mənbənin sözlərinə görə, narahatlığı təkcə futbolçunun statistik göstəriciləri deyil, həm də oyundan həzz almaması və meydanda özünəməxsus irrasional həyasızlığını nümayiş etdirməməsi də artırır.
"Real" tərəfi düşünür ki, Vinisiusun geriləməsi Səudiyyə Ərəbistanından gələn illik 350 milyon avro təkliflə əlaqəli ola bilər.
