NATO-ya üzv ölkələr hələ ki, Ukraynanın alyansa dəvət olunması ilə bağlı konsensus formalaşdırmayıb.
Bunu NATO-nun baş katibi Yens Stoltenberq Amerikanın "Foreign Policy" jurnalına onlayn müsahibəsində deyib.
“Üzv ölkələr razılaşana qədər heç bir dəvət ola bilməz. Bunun üçün konsensus lazımdır və bizdə hələ ki, yoxdur”, - o vurğulayıb.
Eyni zamanda o qeyd edib ki, Kiyev Qərb silahları ilə Rusiya ərazisindəki “qanuni hədəfləri” vurmaq hüququna malikdir, lakin bu barədə qərarları silahı tədarük edən dövlətlər verir.
