Lənkəranda ağır yol-nəqliyyat hadisəsi baş verib.
“Qafqazinfo”nun məlumatına görə, hadisə axşam saatlarında şəhərin Şəhidlər Xiyabanı küçəsində qeydə alınıb.
Belə ki, “Toyota Prius” və “Mercedes Benz” markalı minik avtomobilləri toqquşmadan sonra, zərbənin təsirindən yoldan çıxaraq divara çırpılıb.
Qəzada müxtəlif dərəcəli xəsarət alan 1998-ci il təvəllüdlü Elvin Zahir oğlu Məmmədov və 1996-cı il təvəllüdlü Fariz Rahib oğlu Əlizadə və 2004-cü il təvəllüdlü Aysun Cavid qızı Əlizadə Lənkəran Rayon Mərkəzi Xəstəxanasına aparılıblar. Xəsarət alanlardan F.Əlizadə şok vəziyyətindədir.
Faktla bağlı araşdırma aparılır.
Surxay Şahbazov
