19-20 sentyabr 2023-cü il tarixlərində Azərbaycan Ordusunun Qarabağda həyata keçirdiyi lokal xarakterli antiterror tədbirləri zamanı Ermənistan ordusunun tör-töküntülərinə və separatçılara ağır zərbələr vuruldu.
QHT.az xəbər verir ki, düşmənin qüdrətli ordumuzun qarşısında 23 saat 43 dəqiqə dayanmağa gücü çatdı. Ağır itkilər verən işğalçılar ağ bayraq qaldıraraq təslim oldular. Ordumuzun Qarabağda keçirdiyi lokal xarakterli antiterror əməliyyatları zamanı hərbi qulluqçularımız böyük qəhrəmanlıq göstərdilər və bu tədbirlər nəticəsində Qarabağda erməni separatizminə son qoyuldu.
Bu əməliyyatlar zamanı qəhrəmancasına şəhid olan 205 hərbçimizi dərin ehtiramla yad edirik!
